Ky projekt ishte pjesë e një konkursi të zhvilluar nga Ministria e Arsimit dhe Shkencës për ndërtimin e disa shkollave të reja në territorin e Shqipërisë, financuar nga Banka Botërore. Projektet e propozuara nga ne u vlerësuan si propozimet më të mira duke fituar çmimin e parë të këtij konkursi. Kjo ndërtesë do të ndërtohet në oborrin e shkollave ekzistuese të Krumës.
Sipas kërkesës së detyrës së projektimit hyrja kryesore e shkollës do të bëhet në pjesën jug-perëndimore të oborrit. Vendosja e shkollës së re përkundrejt ekzistueses është bërë e tillë që në pjesën veri-lindore të krijohet një oborr ku do organizohen terrenet e hapura sportive për të dy shkollat. Shkolla e re është menduar të organizohet në forme u-je ku në pjesën veri-perëndimore do të pozicionohet palestra. Ajo është pozicionuar në katin e tretë, meqënëse shkolla është me çati dhe në këtë mënyrë është shfrytëzuar lartësia e krijuar prej saj.