Spitali i përgjithshëm në Përmet vendoset në pjesën veriore të qytetit, në një terren të pjerrët, nga ku mund të shihet lugina e Vjosës. Ai vjen bashkë me poliklinikën, e cila qëndron si volum i shkëputur dhe vendoset përpara ndërtesës së spitalit. Poliklinika ka dy kate dhe ndan me spitalin vetëm radiologjinë në katin e sipërm të saj. Ndërtesa e spitalit, vjen si një volum gjatësor, katërkatësh, i cili pëson një përkulje në mes, si për të zhdukur perspektivën e tej zgjatur, që do të krijonte korridori me gjatësi 70 metër.
